Í glugga

Í mótmælum mánudagsins settist einn í stúkusæti með útsýni yfir mótmælendur.

Hátt yfir hausum þeirra fullorðnu.

Tunna og hamar

Í byrjun vikunnar voru haldin Tunnumótmæli á Austurvelli.  Barið var á tunnur og skapaður sem mestur hávaði svo stjórnendur landsins fái að vita að hér búi fólk.

Áður var tákn mótmælanna pottur og sleif.

Í dag er táknið tunna og hamar

Mótmæli

Í gær flutti forsætisráðherra stefnuræðu sína og ríkisstjórnar sinnar.

Á meðan fylltist Austurvöllur af fólki. 

Þúsundir mættu til að sýna samstöðu og láta ríkisstjórnina vita að tími raunhæfra aðgerða og árangurs sé runninn upp.  Við höfum ekki efni á að bíða lengur.

Ég mætti og ég var stoltur af því fólki sem mætti og lét í sér heyra með friðsömum hætti.

Verra þótti mér sá fámenni minnihluti sem grýtti þinghúsið svo stórsá á.

Á Austurvelli fór ekki á milli mála að vill þjóðin standa saman og óskar þess að ríkisstjórnin standi með þeim.

Fleiri myndir frá Austurvelli

Krot eða list

Sumir hafa velt fyrir sér muninum á veggjalist og veggjakroti.

Í mínum huga er munurinn augljós. 

Það er veggjalist ef eigandi veggjarins gaf leifi fyrir krotinu en veggjakrot ef eigandi veggjarins gaf ekki leifi fyrir veggjalistinni.

Á þennan vegg var krotað með ljósi. 

Mótmæli

Í gær var Alþingi okkar Íslendinga sett.

Austurvöllur fylltist af fólki að því tilefni. 

Þar var engin kominn til að fagna nýju þingi. 

Ég mætti líka og tók myndavélina með mér.

Fleiri Austurvallarmyndir

Rigningin góð?

Á síðustu öld var sungið um hversu rigningin væri góð.

Mér finnst rigningin oftast góð en stundum er fullmikið af góðum hlut.