Blaðasalinn

Fyrir framan stjórnarráðið er stytta af Kristjáni IX þar sem hann er að afhenda okkur nýja stjórnarskrá.

Nú eru um 500 sem vilja á stjórnlagaþing og gefa okkur nýja stjórnarskrá. 

Ég efast um að það komi stytta af þeim fyrir framan stjórnarráðið.

Á yngri árum fannst mér styttan vera af manni að selja blöð.  Það eina sem ég ekki áttaði mig á var af hverju blaðasalinn var með sjóræningjahatt í hinni hendinni.

Gula hliðið

Fyrsta skipti sem ég man eftir mér í leikhúsi var ekki á barnaleikriti.  Fyrsta minningin er þegar ég var 5 ára á frumsýningu á Gullna hliðinu.  Sitjandi á efstu svölum.  Ég man lítið eftir sýningunni en ég man vel að mér fannst gaman.

Í tilefni þess datt mér í hug að setja mynd af gullnu hliði á síðuna.

Þar sem ég fann ekkert gullið hlið ákvað ég að setja inn mynd af gulu hliði í staðin.

Skilti

Á 1. maí og í mótmælum eru margir sem taka skilti með sér til að leggja áherslu á hvað þeir vilja.

Boðskapurinn er misjafn og misskiljanlegur. 

Án þess að ég dæmi skilaboðin þá er ég nokkuð viss um að fólk sem mætir með skilti meinar það sem á skiltinu stendur.

Steinar eða fuglar

Í fjörunni var fullt af fuglum innanum steinana.

Ég þekki muninn á fugli og steini.

Þarna var ekki auðvelt að þekkja muninn.

Ströndin

Það hljómar kannski undarlega en mér þykir strandlengja Reykjavíkur líta betur út í myrkri.

Elliðaárdalur

Næstum því daglega hjóla ég Elliðaárdalinn.

Þetta hef ég gert í mörg ár.

Þrátt fyrir það er dalurinn ennþá að koma mér á óvart.  Í jákvæðustu merkingu þess orðs.

 

Haustið er komið

Þegar ég horfi í kringum mig sé ég að haustið er komið.

Græn laufblöðin roðna áður en þau hlýða þyngdarlögmálinu og falla til jarðar.

Súlan

Um helgina var kveikt á friðarsúlunni.

Ofvaxnasta vasaljós sögunnar sem stendur upp á endann í Viðey og lýsir upp í loftið.

Eins og það á að vera.

Horft af brúnni

Á annatíma líkjast vegir ám sem renna í báðar áttir.

Á rólegu kvöldi eru þeir meir eins og litlir lækir sem renna í báðar áttir.

Bakdyr

Meðan mótmælt var fyrir framan var allt með kyrrum kjörum bakdyramegin.