Ljósmyndarar

Ég hef lengi haft áhuga á ljósmyndum. 

Ég tek myndir af því sem ég hef gaman af.

Ég hef einhverra hluta vegna alltaf haft gaman að því að taka myndir af öðrum að taka myndir.

Þessi mynd var tekin af ljósmyndurum sem tóku myndir af hlaupurum í Reykjavíkurmaraþoninu í fyrra.

Fellur í umhverfið

Með árunum hefur strompurinn orðið líkari fjallinu en undirstöðunum sem standa undir honum.

Veggur

Allt í kringum okkur eru veggir.

Þessi veggur er gamall og þreyttur.

Litlu gæsa ungarnir

Ég kom að gæsahóp um daginn. 

Þar spígsporuðu gæsamömmurnar með litlu ungana sína.

Hér eru nokkrir ungar sem voru orðnir nógu stórir til að ganga einir og óstuddir.

Gamli bíllinn

Við þjóðveginn á Barðaströndinni er þessi gamli bíll.

Það er verkefni fornleifafræðinga framtíðarinnar að sjá hvaða tegund bíll þetta hafi verið.

Inn eða út um gluggann

Þegar þakið og hinir veggirnir eru löngu horfnir þá get ég ekki verið viss hvort ég sé að horfa inn eða út um gluggann.

Foss

Góð leið til að slaka á er að fá sér sæti fyrir framan foss og horfa á hann renna.

Þessir foss er í Elliðaánum.

Stiginn

Þar sem Elliðavatn breytist í Elliðaár er stigi fyrir fiskana sem treysta sér ekki til að stökkva yfir stífluna.

Hvað eru margir fiskar komnir?

Í Elliðaánum hefur alltaf verið laxateljari sem telur fiskana sem synda upp ánna. 

Þegar ég átti leið framhjá nýlega ákvað ég að sjá hvað margir væru komnir í gegn.

Ég sá engan teljara en hliðið er en á sínum stað.

Vatn

Þegar ég stóð á bryggju í Reykjavíkurhöfn heyrði ég í rennandi vatni.

Undir fótum á mér sá ég vatn renna á fullu afli í sjóinn.

Þetta vatn var ekki velkomið í grunni tónlistarhússins.