Það sást skip á sjó

Þegar eitthvað sem ekki sést daglega birtist, virðast allir þurfa að fara út og taka myndir af því.

Þýska skólaskipið Groch Fock varpaði akkeri í sjóinn við Laugarnestangann og fjaran varð snögglega þéttskipuð af myndasmiðum af öllum stærðum og gerðum.  Allt frá tónlistarhúsinu að dælustöðinni við Skarfagarða.

Skipverjarnir á skipinu hafa líklegast skemmt sér vel við að fylgjast með öllu  fólkinu því þeir sungu svo glatt að það heyrðist í þeim alveg upp á land.

En hvað er það sem veldur því að allir þurfa að taka myndir af sama hlutnum?

Á meðan þið veltið því fyrir ykkur getið þið skoðað eina af fimmtíu myndum sem ég tók af þrímastra skútunni.

Athugasemdir

[Páll A. Þorgeirsson, 26.3.2009 kl. 09:55]

Það er eitthvað mikið heillandi við þessi skip.

Gaf mér tíma fyrir myndirnar þínar, þú hefur greinilega góða tilfinningu fyrir þessu.