Út að hjóla

Í morgun sá ég hvítt.

Snjór yfir öllu.

Ég sá fyrir mér allt fólkið sem byrjar daginn á að moka þykkt lag af snjó af bílunum sínum bara til að færa bílinn í næstu umferðarteppu.

Ég tók ekki þátt í því í dag.

Ég hristi snjóinn af hjólinu og hjólaði af stað.

Yfir lækinn

Fyrir nokkrum árum fór ég í réttir.

Það var fjölmenni í réttunum.  Það mátti vart á milli sjá hvort væri meir af fé eða fólki.

Á milli þess sem kindur voru dregnar í dilka var peli dregin upp úr vasa og söngvar sungnir.

Voru menn jafnvel sóttir sérstaklega til að bæta hljóm réttanna.

Þegar einu lagi lauk hafði einn bóndinn orð á því að það hafi verið viturleg ákvörðun að sækja drenginn yfir lækinn.  Því hann söng svo vel.

Umræddur lækur.
Þjórsá. 

Hestöfl

Ég geri mér grein fyrir því að einingin heitir hestafl og er merkingin er afl á við einn hest.

Ég man samt ekki eftir hesti sem var bara eitt hestafl.

Gæsaþvottur

Það er engu líkara en að gæsin gangi á vatni meðan hún snyrtir sig fyrir sundið.

Gömlu tækinn

Gamli heyvagninn er löngu hættur að gegna sínu hlutverki.

Í dag er hann griðastaður mosa og ryðs.

Flottasta týpan

Fyrir nokkrum árum var vart til sá glæsivagn sem ekki rataði til Íslands.

Flottustu týpur allra bíla virtust sjást á götunum Reykjavíkur.

Eitt fannst mér þó vanta.

Flottustu Löduna.

Aldrei sá ég nokkurn á 5 dyra Lödu Sport.

Snjór

Í dag hefur snjóað.

Ég fagna alltaf hverju snjókorni sem fellur.

Það birtir yfir og hverstagslegustu hlutir fá nýjan blæ.