Er Íslendingur hér.

Um helgina fór ég og skoðaði Gullfoss, Geysi og Þingvelli.

Þar sá ég hóp af fólki.

Flestir útlendingar.

Það er auðvelt að þekkja Íslendingana út.

Þeir sitja alltaf fremst í rútunum. 

Annar keyrir og hinn er leiðsögumaður.

Stiginn

Þegar ég stóð neðst í stiganum og horfði upp ákvað ég að reyna ekki að ganga upp hann.

Vandamálið var hvorki hæð þrepanna né vöntun á handriði.

Vandinn var vatnið sem var á leiðinni í hina áttina.

Upphaf goss

Þegar ég fór að skoða Geysi, tók ég eftir því að mjög fáir skoða Geysi.

Strokkur virðist fá alla athyglina.

Það er líklegast vegna þess að hann gýs reglulega.

Hér er gosið nýbyrjað.

Peningur afþakkaður

Á Þingvöllum sá ég þetta skilti.

Eru peningar bannaðir?  Vilja þeir ekki pening?

Skíði

Í gömlu lagi segir "á skíðum skemmti ég mér tralallala".

Ég tek undir það.

Ég reyni að komast eins oft á skíði og ég get.

Svo eru þeir sem ekki kunna á skíði.

Þessi kann líklega ekki á skíði og fer þessvegna á bretti.

Strokkur

Ég hef farið með hópa að skoða Gullfoss og Geysi.

Eitt skiptið þegar við nálguðumst Geysi sagði ég hóp af þjóðverjum að Strokkur gysi alltaf á mínútunni 11:30.

Þá heyrðist eymdarhjóð aftan úr rútunni og mér bent á að klukkan væri 11:45.  Við værum búin að missa af gosinu.

Á hraðferð

Í gærkvöldi var logn.

Lognið var á hraðferð.

Svo kom steypiregn og vatnið óx og óx.

Það var best að halda sig innandyra við myndatökur.

Núna er fínasta vorveður.  Sem væri ágætt ef það væri ekki vetur.

Strompur

Strompar á húsum hafa margvíslegan tilgang.

Upphaflega var þetta leiðin fyrir reykinn út en breyttist síðar í leið fyrir sjónvarpið inn.

Svo er þetta ákjósanlegur lendingarstaður fyrir smáfuglana.

Önd

Öndin syndir á tjörninni og bíður eftir að brauðmolinn komi fljúgandi til sín.

Fossar

Ég hef sagt það áður og ég á örugglega eftir að segja það aftur. 

Elliðaárnar og dalurinn sem þær renna um geyma óþrjótandi myndefni.