Neysluvatn

Vonandi er vatnið í betra ástandi en skiltið.

Umferð

Vegurinn í Kömbunum er einn skemmtilegasti vegur á Íslandi.

Þennan dag var hann það ekki.

Ekki í þessari umferð.

Gamla grillið

Í gömlum dægurlagatexta segir "Grillmatur er góður, gómsætt kjarna fóður".

Ég hef svo lengi sem ég man eftir mér verið æstur í grillaðan mat og alltaf haft grill á svölunum. 

Undanfarin 10 ár stóð gamla grillið vaktina og var alltaf reiðubúið að gera góðan mat betri. 

Grillið hafði staðið af sér sól, frost, snjókomu, regn og öskufall.

Eftir öll þessi ár var það farið að láta á sjá og ég var farinn að nota stórvirka skiptilykla til að stilla hitann. 

Svo rann upp sá tími að gamla grillið var sent í burtu og nýtt grill komið í staðinn. 

Þessi mynd var tekinn rétt áður en ég skipti um brennara í grillinu.
Ef vel er skoðað má sjá kótelettur í eldinum.

Skrifstofufárviðri

Það eina sem ég veit verra en að vera inni á sólríkum sumardegi er að vera inni á góðum skíðadegi.

Geit á beit í gervisveit

Sá geit á beit í sveit.

Geitin var reyndar ekki á beit í alvöru sveit.

Geitin var á  beit í Húsdýragarðinum. 

Pallbíll á palli

Hugtakið pallbíll fékk alveg nýja merkingu fyrir mér nýlega.

Þá sá ég pallbíl koma með pallbíl á pallinum.

Miðað við hvað bensínverðið er orðið hátt er hugsanlega hagstæðara að láta sparneytnari vörubíl flytja pallbílinn með stóru V8 vélina.

Flugskýlið sem var

Við Patreksfjörð er flugvöllur sem ég óttast að sé að breytast í þátíð.

Hingað flýgur enginn lengur með farþega og skafrenningurinn rennur yfir brautina allt árið.  Stundum snjór stundum sandur.

Við flugvöllinn er flugskýli.

Áður voru veggir á skýlinu.

Seinast þegar ég sá skýlið voru veggirnir farnir.

Ætli eitthvað fleira sé farið í dag?

Sjór og land

Þar sem land og sjór mætast er ekki alltaf rólegt.

Það hefur samt alltaf róandi áhrif á mig.

Uppstoppaður

Það er ekki oft sem uppstoppaður lundi sést villtur í náttúrunni.

Möl

Venjulega er kemur það ekki til af góðu að fólk horfir á möl frá þessu sjónarhorni.