Gamli bíllinn

Það er eitthvað við gamla bíla.

Gamlir bílar eru flottari en nýir.

Svo endast þeir líka mun betur.

Ég veit ekki um neinn nýjan bíl sem hefur enst jafn lengi og þessi.

Gamli vagninn.

Þegar ég tók strætó í fyrstu skipti skipti miklu máli hvaða vagn var tekinn.

Það átti alls ekki að taka gamla vagninn.

Gamla Volvo sem var jafngamall og hægriumferðin.

Nýlega sá ég gamla Volvo.

Hann leit nákvæmlega eins út í dag og hann gerði á síðustu öld.

Ég hugsa að ég myndi hoppa upp í hann ef hann stoppaði á stoppistöð nálægt mér.

Jafnvel þótt ég væri að fara eitthvað annað.

Götuspilarinn

Á ferðalögum sé ég oft götuspilara.

Færir tónlistarmenn sem leika fyrir alla sem eiga leið hjá. 

Edinborg

Kaupmannahöfn

Maastricht

Pétursborg

Bláalónsþrautin

Í júní 2008 rakst ég á auglýsingu um hjólreiðakeppni.  Það var hægt að velja um 60 eða 40 km. 

Ég ákvað að velja auðveldu leiðina og hjóla bara 40 km. 

Án þess að hafa hugmynd um hvað ég var að fara útí kom ég mér fyrir á ráslínunni þegar keppnin átti að byrja.  Fljótlega var mér bent á að ég snéri vitlaust.

Löngu síðar kom ég í mark á bílastæði Bláa lónsins.  Eftir að hafa barist við loftleysi í dekkjum, krampa og þreytu.

Ári síðar mætti ég aftur og fór sömu leið á betri tíma.

Nú er komið að því að keppa í þriðja sinn og fyrri tímar verða bættir.

Nýkominn í mark árið 2008.
Mun þreyttari en myndin gefur til kynna.

Velkominn

Ég þekki merki þess að ég sé velkominn.

Öryggismyndavélar í gluggum eru ekki eitt þeirra merkja.

Köttur

Heimiliskettir eru náskildir ljónum.

Ég er samt ekki viss hvort ég myndi vilja hafa ljón jafn nálægt mér og heimiliskött.

Líf

Það er hægt að höggva það niður, saga í búta og flytja langar leiðir.

En það virðist ekki vera hægt að drepa það.

Köttur

Kettinum virtist ekki leiðast að enginn virtist hafa nennt að slá grasið.

Hóllinn

Við Elliðavatnið er hóll.

Með grænu grasi og gulum blómum.

Litli stígurinn mætti frekar fara kringum hólinn.

Hver má aka?

Sumir vegir eru ekki opnir öllum.

En ég vissi ekki að það skipti máli hversu langt bíllinn kemst.

Á þessum stað skiptir það greinilega máli.

Líklegast þarf að hafa vottorð sem sýnir hversu langt bíllinn kemst.

Svo er að skilgreina hversu langt er langt.