Turninn

Á Höfðatorgi stendur turn.

21 hæð ofanjarðar.

Margar borgir eiga sína turna.

Piza hefur skakka turninn, Paris hefur Eiffel turninn.

Eins og er þá hefur Reykjavík Gegnsæja turninn.

Turninn

Oftast standa turnar uppúr umhverfinu.

Ekki alltaf.

Á Ísafirði er hús sem heitir Turninn.

Það er ekki bara húsið til hægri sem er hærra heldur líka húsið til vinstri.

Sápukúla

Á Austurvelli flaug sápukúla framhjá.

Stuttu síðar snerti hún vegginn og hvarf.

Fljúgandi fílar

Það þykir ekki merkilegt að fýll fljúgi framhjá en að fíll geri slíkt hið sama er stórfrétt.

Í Kaupmannahöfn hafa margir séð fljúgandi fíl.

Sumir vilja kenna miklum bjór um þá sjón.

Ég hef séð fílinn fljúgandi og þurfti ekki bjór til.

Selur á steini

Alltaf þegar ég fer í Húsdýragarðinn skoða ég selina.

Vingjarnleg dýr sem ég get horft á tímunum saman.

Nú er komin hugmynd um að fá Ísbjörn í garðinn.

Hver þarf ísbjörn þegar við höfum seli?

Taka mynd

Einhverra hluta vegna á ég það til að taka myndir af öðrum ljósmyndurum að taka myndir.

Oft eru ljósmyndararnir áhugaverðari en myndefnið sem þeir fanga.

Þetta snýst um að finna rétta staðinn.  Skiptir engu hvort það sé staðið á staur eða legið á jörðinni.

Ég veit líka að ég er ekkert skárri með myndavélina í undarlegri stöðu að fanga eitthvað sem engin sér. 

Nema ég.

Sjóstöng

Um helgina skrapp ég á sjóinn.

Með veiðistöng, króka og sökkur.

Næstum alltaf þegar sakka og krókur fór niður, kom upp fiskur.

Sjóstöng

Í dag fór ég á sjóstöng.

Þrátt fyrir erfiði, velting og sjóveiki var þessum degi vel varið.

Svona sléttur var sjórinn ekki í dag.

Vegavinna

Ég fagna alltaf þegar ég þarf að stoppa vegna vegavinnu.

Það er merki um að vegurinn sé að komast í lag.

Fossinn

Um alla borg eru listaverk falin þar sem allir sjá.

Við Sæbrautina er eitt slíkt.

Mynd af fossi í glugga.

Það fara þúsundir framhjá á hverjum degi.

En örfáir sjá.