Á sjó

Veiðistöng, sökkur og krókar. 

Það þarf lítið annað til að eiga góða stund á bát og draga fiska.

Köttur

Kötturinn læddist framhjá steininum og gaf sér smá stund í að skoða myndavélina og læddist svo burt.

Gæsir í þurrum polli.

Eitt sinn sá ég þessar gæsir á sundi.

Þær áttu hreiður í grendinni og undu sér vel í skugga Hrafnsins sem hafði búið til þessa tjörn á Laugarnestanganum.

Í dag er engin tjörn fyrir þessar gæsir.

Tjörnin var sett í dælubíl og flutt annað.

Selló

Við Hagatorg situr sellóleikari á steini.

Sellóið er strengjalaust og engan hefur hann bogann.

Samt situr hann og bíður áheyrenda.

Glugginn

Í miðjum grámanum þá umreytast gluggarnir á Listaháskólanum í gull.

Stundum er það hvorki það sem sést inn um gluggann eða út um hann.

Það er glugginn sjálfur sem er þess virði að horfa á. 

Uppúr

Til að koma boðskapnum til skila þá er er gott að standa uppúr hópnum.

1. maí voru það drullusokkar sem stóðu uppúr öllu skiltahafinu.

Bjargfugl

Dúfan er bjargfugl.

Svo kom að því að dúfan varð leið á klettum og ákvað að finna sér ný björg að búa í .

Fuglabjörg dúfunnar í dag eru manngerð.

Of stór boðskapur

Það getur gerst að boðskapurinn er of stór fyrir skiltið.

Það þarf að koma svo miklu til skila að plássið þrýtur.

En það er til lausn á öllu.

1. maí

Í tilefni 1. maí fór ég á Austurvöll til að skoða fólkið og hlusta á ræður.

Austurvöllur var þakin í nýju sterku grasi og allt til reiðu fyrir fjölmennan fund.

Mörg skilti og fánar voru á lofti. 

Undir ræðum hlustaði ég svo á hróp og framíköll.

Allt eins og 1. maí á að vera.

Lundinn

Eftir að hafa haldið sig til sjós er lundinn farinn að koma sér aftur fyrir í holum með sjávarútsýni.