Fastur í umferð

Reglulega heyri fólk segja að það hafi verið fast í umferð.

Við þá sem það segja hef ég bara eitt að segja.

"Þú ert ekki fastur í umferð.  Þú ert umferð."

Braggi

Um miðja síðustu öld voru braggahverfi í Reykjavík.

Þau eru sem betur fer horfin í dag.

Nokkrir braggar hafa lifað af.

Spurning um að vernda þá.

Svarthvítt

Í þessu umhverfi fór ég ósjálfrátt að hugsa til þess hvort öryggismyndavélin taki bara svarthvítar myndir.

Byrgi

Í Ráðhúsinu eru mörg herbergi.

Ég hef alltaf verið mest heillaður að byrgjunum sem hafa innganginn á milli sín.

Ég veit ekki hver tilgangurinn er með þeim en hann er væntanlega ekki til að bjóða fólk velkomið.

Sumarið er komið

Himininn er blár.

Svo er bara að bíða eftir græna litnum á trén.

Banki eða ekki banki.

Í Borgartúni er banki.

Bankinn hefur þá sérstöðu að þetta er eini bankinn á Íslandi sem hefur ekki banka.

Upp

Í Ráðhúsinu eru hausar gamalla borgarstjóra geymdir.

Hátt uppi.

Svo hátt að við á gólfinu sjáum þá ekki.

Fiskur á stöng

Fiðringurinn er kominn í fingurna og tærnar.

Veiðitímabilið í sjóstönginni fer að byrja.

Á íslensku

Ég sá þetta skilti nýlega. 

Þar var kurteisileg ábending um að hafa enga bíla á götunni klukkan átta á morgunn. 

Ég hafði reyndar séð skiltið á sama stað kvöldið áður og þar stóð líka klukkan átta á morgunn.

En skiltið fékk mig til að rifja upp þegar ég var í Luxemburg fyrir mörgum árum.

Ég lagði bílnum fyrir framan hótelið og sá eitthvað skilti á Luxemburgísku sem ég skildi ekkert í og hugsaði ekkert útí.

Morguninn eftir hafði gatan breyst úr umferðargötu í götumarkað.

Ég þurfti að keyra í gegnum þvöguna milli söluborða og fólks sem leit á mig sem óþarfa aðskotahlut á annars góðum markaði.

Skildu einhverjir erlendir ferðamenn hafa skilið bílinn sinn eftir fyrir götusópurum vegna þess að þeir skildu ekki hvað stóð á skiltinu?

Öðruvísi

Sumir þurfa alltaf að vera öðruvísi en aðrir að því er virðist bara til að vera öðruvísi.

Hér er einn sendiherra sem vildi vera allt öðruvísi en allir aðrir.

Hann mætti á dökkgráum bíl en ekki svörtum.