Turn

Í París var næstum sama hvar ég stóð.  Alltaf sá ég Effelturninn.

Turninn virðist vera eins frá öllum hliðum.

Eina leiðin til að sjá öðruvísi Effelturn er að standa undir honum.

Við styttu

Í París var stytta sem fólk horfði á og tók myndir af.

Mér fannst styttan ekkert merkileg og man ekki hvernig hún leit út.

Ég tók mynd af manninum sem sat við styttuna og slappaði af.

Skiltið

Í Finnlandi sá ég þetta skilti og gat ekki annað en tekið mynd af því.

Í dag verður mér alltaf hugsað til ríkisstjórnarinnar þegar ég sé myndina.

Landnámshæna

Af og til heyri ég talað um landnámshænur.

En enginn hefur sagt mér hvaða land þessar hænur námu.

 

Samkvæmt dagatali

Þegar ég horfi á dagatalið held ég að það sé vetur.

Þegar ég horfi út þá er ég ekki viss.

Þessi mynd var tekin um alvöru vetur.

Blár

Nýlega átti ég leið framhjá Höfða.

Hann var blár.

Tréð

Trén hafa fellt lauf og styttist í að þau fái ljós.

Rauða stöðin

Þegar ég fór til Pétursborgar notaði ég stundum neðanjarðarlestina sem er grafin djúpt undir borginni.

Ég ferðaðist alltaf á milli sömu tveggja stöðvanna.

Á leiðinni stoppuðum við alltaf á rauðu brautarstöðinni.

Umferð

Á leiðinni heim horfði ég á alla umferðina silast undir brúnna.

Í flestum bílum var einn ökumaður og enginn farþegi.

Ef allir ökumennirnir fengu einn farþega væru mun færri bílar á götunum og umferðin gengi hraðar.

 

Bárujárn

Ef það á að nefna eitthvað sér íslenskt í íslenskri byggingasöug held ég að bárujárnið sé það íslenskasta af öllu íslensku.

Á ferðalögum mínum um heiminn hef ég aldrei séð bárujárnsklætt hús.

Nokkrar skemmur en ekkert hús.