Laufblöð falla

Í tilefni haustsins hafa trén ákveðið að þekja göngustígana með laufblöðum.

Tré

Nú er árstíminn sem trén kasta klæðum og gerast nakin.

Mörg tré þurfa ekki laufblöð.

Í neyð

Oft eru þeir hlutir sem á að nýta í neyð geymdir í litlum glerskáp með hamri við hliðina.

Hamarinn er til að brjóta glerið.

Í þessu tilfelli var enginn lítill hamar við hliðina.

Arkitektúr

Ég er mikill áhugamaður um arkitektúr.

Ég hef kynnt mér hinar ýmsu stefnur og hef lært að þekkja hvað þykir merkilegt í arkitektúr.

Húsið hér er fann ég í Englandi.  Dæmi um stórmerkilega hönnun.  Hvernig leikið er með formið og gluggarnir hafna þyngdaraflinu.

En umfram allt þá held ég að mér sé óhætt að segja að húsið sé forljótt.

Stiginn

Til að auðvelda fólki göngu upp á við voru fundnir upp stigar.

Án þeirra væri ekki hægt að búa hærra en á jarðhæð.

Síðar kom hugmyndin að búa til stiga fyrir fiska.

Kajak

Einn einfaldasti ferðamátinn á sjó.

Regnboginn

Ef náttúran getur ekki skaffað regnboga þá er alltaf hægt að treysta á litla gosbrunninn í Tjörninni þegar sólin skín.

Gosbrunnurinn er lítill og máttlaus en hann getur skapað lítinn regnboga.. 

Harpan

Sum hús eru passlega stór úr einni átt en alltof stór úr annarri.

Tónlistarhúsið Harpa er eitt þeirra sem passar ágætlega úr einni átt en alltof stórt úr annarri.

Kosturinn er að nú er skjól í Lækjargötunni. 

Gallinn er að Esjan er horfin.

Tjaldstæðið

Það getur verið gott að sofa í tjaldi í friði frá öðrum.

Á þessu tjaldstæði er öruggt að ekki nokkur muni tjalda við hliðina á þér.

Krot eða list

Ég hef alltaf verið á móti veggjakroti.

Læðast um í skjóli nætur og krassa einhver tákn á veggi.

Veggjalist er annað.

Þegar listamenn taka vegg og glæða hann nýju lífi.

Milli Hverfisgötu og Laugavegar hafa listamenn tekið að sér nokkra veggi með góðum árangri.