Þrettándinn

Í gær var Þrettándinn.

Lokatækifærið til að tæma fjölskyldupakkann sem var fenginn til að sprengja gamla árið á brott.

Ísfjöll

Í fjörunni lagðist þunni hafísinn yfir sand og steina eftir að hafið fór úr fjörunni.

Eftir var landslag sem gat verið í hvaða stærð sem er.

Sólin sest

Á heiðskýrum vetrardögum horfi ég á bláan himinn verða rauðan.

Það fer himninum vel að breyta litum reglulega.

Þoka

Einhvern tíman var sagt að það byggi margt í þokunni.

Það bjó ekki margt í þessari þoku.

Til þess var hún of lítil.

Stóra flugeldasýningin

Ég hef séð margar flugeldasýningar. 

En það er ekkert sem nálgast stóru íslensku flugeldasýninguna á gamlárskvöld.

Það er sama í hvaða átt þú horfir það eru flugeldar alstaðar.

Áramót

Árið 2010 kom stundvíslega á miðnætti.

Eins og venjulega buðum við árið velkomið með sprengingum og ljósadýrð.

Ég kom mér fyrir með myndavélina og smellti af nokkrum myndum.

Fleiri myndir frá komu 2010