Gleðilegt nýtt ár

Ég óska öllum sem hafa villst inn á síðuna gleðilegs og farsæls komandi árs.

Draugur um áramót

Reglulega koma myndir sem haldið er fram að séu af draugum.

Því miður er nær alltaf hægt að útskýra myndirnar á einfaldan hátt.

Þar sem ég er ekki skyggn get ég ekki séð hvar draugarnir eru.  Þess vegna hef ég aldrei getað náð þeim á mynd.

Á þessari mynd er ekkert yfirnáttúrulegt.

Bara ljós sem svífur í lausu lofti og óskýr vera í bakrunni ef vel er gáð.

Sveppur

Það vaxa ýmsar gerðir af sveppum á Íslandi.

Sumir ætir en aðrir eitraðir.

Ég veit ekki hvort þessi sé eitraður en ég veit að hann er ekki ætur.

Vegur

Það er alveg sama hversu holóttur vegurinn er.

Með réttu hugarfari og öðru sjónarhorni sést ekkert nema bein, greið leið.

Stór spurning?

Sumt skil ég ekki.

Þar á meðal hvaða listaverk þetta er, hvað það á að merkja og hvað það er að gera þarna?

Tré

Ég hef séð mörg misvel skreytt tré.

Af öllum þeim trjám sem hafa verið umvafin ljósum er þetta það langflottasta sem ég hef séð.

Gleðileg Jól

Ég óska öllum gleðilegra jóla.

Sólfar og súla

Um alla borg eru styttur og minnismerki.

Sum minnismerkin eru þannig að ég man venjulega ekki eftir þeim og það eru líka til styttur sem mætti stytta sýningartímann á.

Hvorugt á við um Sólfarið og Friðarsúluna.

Tré

Á fjölförnum gatnamótum er tré sem ég hafði aldrei séð fyrr en jólaljósin voru sett á það.

Á öðrum árstímum er tréð ósýnilegt.

Veiði

Það eru margir góðir veiðistaðir og margir eiga sinn eftirlætis veiðistað.

Suma veiðistaði þarf að borga stórfé fyrir að fá að komast á og á aðra þarf að sigla með bát langa leið.

Aðrir staðir eru fríir, inni í borginni og þarf bara að ganga nokkur skref.

Og þar er fiskur tilbúinn að bíta á.