200.000 Naglbýtar og Lúðrasveit verkalýðsins.

Í gærkvöldi fór ég á eina bestu tónleika sem ég hef farið á.

200.000 Naglbítar og Lúðrasveit verkalýðsins lögðu saman krafta sína og spiluðu lög Naglbítanna í nýjum lúðrasveitaútsetningum.  Þar á meðal tóku þau topplag vinsældarlista Rásar 2 síðustu 2 vikur, Láttu mig vera.

Tónleikarnir voru útgáfutónleikar til að kynna nýútkomna plötu sveitanna sem meðal annars er hægt að kaupa á tónlist .is. 

Fleiri myndir frá tónleikunum.

Jólatré

Nú er árstíminn þegar grenitré í ýmsum stærðum spretta upp víðsvegar um landið og fyllast af ljósum. 

Önnur tré sem fá að standa allt árið fá sinn skammt af ljósum líka.

Hér er eitt tré sem er gestkomandi í Árbænum.

List við Skarfagarða

Í gær átti ég leið um Skarfagarða og sá List.

Flutningaskipið List var þar við landfestar.

List var ágætis viðbót við norðurljósin, Friðarsúluna og húsin í Viðey.

Nakin tré

Í garðinum hjá mér eru tré.

Á sumrin eru þau full af fallegum laufblöðum.

Á veturna sé ég í gegnum trén.

Sama hvort er.  Þau standa alltaf fyrir sínu.

Vinna við viðhald vita

Þegar ég var yngri voru nokkrir vinir mínir að vinna við viðhald vita.

Þeir ferðuðust um landið og máluðu og snyrtu vitana.

Þeim þótti mis mikið koma til vitanna. 

Suma vitana kölluðu þeir hálfvita.

Gamalt og gott

Oft man fólk eftir fyrsta bílnum sínum sem þeim langbesta sem það hefur nokkurn tíman ekið.

Ég man eftir manninum sem var að dásama gamla Ford sem pabbi hans átti á fyrrihluta síðustu aldar.

Það var svo gott að sitja í honum og það var svo gott að keyra hann.

Um síðustu aldamót fékk hann að keyra eins bíl. 

Hann játaði það ekki fyrr en löngu síðar að það var vissulega gaman að keyra bílinn,  en það var langt frá því að vera gott að keyra hann.

En hann stendur einþá við að það er enginn bíll flottari en gamli Ford sem pabbi hans átti á fyrrihluta síðustu aldar.

Bíllinn á myndinni tengist sögunni ekki á neinn hátt annan en að þetta er Ford frá fyrrihluta síðustu aldar.

Þetta er alveg að koma

Snjórinn er búin að vera að koma og fara undanfarnar vikur.

Í morgunn sá ég örþunnt lag af snjó á jörðinni. 

Það vantar nokkra sentimetra í viðbót svo ég verði ánægður.

þessi mynd er nokkurra vetra gömul