Litla flugan

Ég hef lengi reynt að átta mig á því hvenær dýr verða svo lítil að þau hætti að vera sæt og verði ógeðsleg.

Stundum verður fólk hræddara við dýrin eftir því sem þau eru minni.

River Dance hliðið

Á ferð um sveitir Minneapolis fann ég þetta hlið.

Ætli að þetta sé sveitabærinn þar sem River Dance var fundinn upp?

Friðar(tjald)súlur

Rétt fyrir utan Minneapolis er Mystic Lake.  Spilavíti sem indíánar eiga.

Til að auðvelda fólki að finna spilavítið voru settar friðarsúlur upp á þakið sem mynda indíánatjald.

Mér tókst að finna spilavítið með hjálp leiðsögukerfis.  Lagði bílnum á bílastæðinu og tók nokkrar myndir.

Ég fór ekki inn, lagði ekkert undir og tapaði engu.

Á bakaleiðinni mundi ég orð sem ég heyrði í öðru spilavíti fyrir mörgum árum.

"því minna sem þú leggur undir því meiru tapar þú þegar þú vinnur."

Eldingar

Nýlega sá ég eldingar skjótast frá skýum til jarðar.

Ég slökkti á sjónvarpinu og fór út í glugga og horfði á sýninguna þar.

Framandi slóðir

Nýlega fór ég á framandi slóðir.

Stað ólíkan öllum öðrum stöðum sem ég hef verið á.

Þetta var næstum því eins og að fara til útlanda.

Forvitna lambið

Í sveitinni var ég að taka mynd af grasinu. 

Þá kom lamb sem hafði fengið nóg af grasi og vildi bragða á linsunni.

Stórmenni

Uppi á Grafarholti sá ég þessa risa dansa á hitaveitutönkunum.

Á morgun sé ég ljósið

Á morgun kemur japönsk kona til að kveikja ljósið í Viðey.

Þá sé ég ljósið í hvert skipti sem ég fer út um dyrnar heima á morgnana.

Laust fé

Á ferð um landið fann ég þetta lausa fé.

Það átti sjálfsagt eftir að lenda í fjárdrætti eða verða bundið fé.

Veðrið í dag

Í dag er rok og rigning.

Þessvegna set ég inn mynd af miðnætursól í kyrru veðri.