Dróttkvætt hús

Á fyrri hluta síðustu þúsaldar fóru margir á fund Noregskonungs og fluttu fyrir hann dróttkvæðar vísur. 

Oft þurfti konungur að spyrja ráðgjafa sína hvort þetta væri vel ort áður en hann gat hrósað skáldinu.

Sum hús virðast vera dróttkvæð. 

Ég sá þetta hús fyrir nokkrum árum í Birmingham.

Ég hef ekki hugmynd hvaða hús þetta er eða hvað fer fram inni í því.

En ég veit að þetta er eitt af þeim húsum sem þú þarft að hafa vit á arkitektúr til að vita hvort það sé flott eða ekki.

Sjálfur er ég ekki viss svo ég ætla að finna arkitekt og spyrja hann.

Sjóstöng

Nú eru bara nokkrir dagar í að ég komist á sjóinn að veiða.

Ég er búin að taka saman dótið og setja við hurðina tilbúin að hlaupa af stað.

Lundinn léttir lund

Á hverju sumri fer ég og heimsæki lundann á Bjargtöngum.

Það léttir alltaf yfir mér þegar ég sé fyrsta lunda sumarsins.

Öldur

Öldur hafa ferðast um hafið svo lengi sem jörðin sjálf man eftir.

Ég fer oft í fjöruna og horfi á þær koma á land.

Flestar öldurnar eru alveg meinlausar.

Það er stóra aldan sem kemur í fjórða hvert skipti sem þarf að passa sig á.

Fokið í flest skjól

 Í gær var lognið á hraðferð.

Vindurinn blés þar sem oftast er skjól.

Ég skrapp niður á höfn og skoðaði öldurnar í höfninni sem venjulega er mun sléttari en þetta.

Gamli kofinn

Sum hús virðast batna með aldrinum. 

Þessi kofi varð á endanum hluti af umhverfinu.

Þakið ryðgað og götótt.  Spýturnar gráar og fúnar.

Húsið passaði svo vel við allt umhverfið.

Veturinn eftir að myndin var tekin fauk kofinn á braut.

Turnar

Rússneskar kirkjur eru flestar með nokkrum turnum dreifðum um allt þakið.

Ég hallast helst að því að menn hafi ekki getað komið sér saman um hvaða turn átti að nota svo þeim var öllum hrúgað upp á þak.

Kletturinn við Dyrhólaey

Dyrhólaey er líklegast ein frægasta eyja landsins sem er landföst.

Þekktasti hlutinn er gatið.

Rétt fyrir utan eyjuna er þessi klettur. 

Hann er líka með gati.

Brú milli tveggja heima

Þegar ég hjóla frá Reykjavík yfir til Mosfellsbæjar eru lítil brú á bæjarmörkunum.

Ég man þá tíð er Mosfellsbær hét Mosfellssveit og var langt í burtu frá Reykjavík.

Núna eru íbúðarhverfin næstum því samliggjandi.

Þegar ég fór yfir brúnna fann ég samt smá mun.

Það er ennþá smá sveit eftir í Mosfellssveitinni.

Elliðaárdalur

Besta leiðin til að komast upp í sveit án þess að þurfa að fara upp í sveit er að fara í Elliðaárdalinn.

Á heitum sumardeigi breytast bakkarnir við fossinn í Íslenska útgáfu af sólarströnd.

Vel geymt leyndarmál í nokkurra metra fjarlægð frá einni fjölförnustu götu landsins.

Ég áttu leið um á kyrrlátu kvöldi.  Stoppaði og skoðaði.