Sjóstöng

Veiðitíminn er að nálgast.

Fyrsta sjóstangaveiðimótið er eftir tæpan mánuð.

Frá öðrum hnetti

Ég sá þetta á Völlunum í Hafnarfirði.

Ég hef ekki hugmynd um hvað þetta er en þetta lítur út fyrir að koma frá öðrum hnetti.

Ég ætla ekki að rannsaka það frekar.

Þá gæti komið jarðnesk skýring.

Mastrið

Um allt land er búið að gróðursetja möstur og tengja víra á milli.

Í gegnum vírana fer svo rafmagn.

Svo geta menn endalaust deilt um útlitið.

Göngustígurinn

Ég fór stuttan göngustíg.

Til að benda á stíginn var skilti.

Vinalegt skilti sem sýndi mann leiða barn.

Nokkrum skrefum síðar var annað skilti.

Það gaf til kynna hættu.

Það var til að láta vita að göngustígurinn væri hættulegur.

Bæði skiltin eru góð og gild.

En eiga þau heima saman?

Kálfatjörn

Í gær skrapp ég á Vatnsleysuströnd.

Þar er Kálfatjörn.

Ég sá enga tjörn með kálfum en það er kirkja á staðnum.

Fyrir eða ekki

Stundum er ég ekki viss hvort mastrið sé fyrir á myndinni eða ekki.

Sólfar

Það skiptir engu máli hvernig veðrið er.

Sól, regn, snjór eða þoka

Sólfarið stendur alltaf fyrir sínu.

Stormur

Það er ekki á hverjum degi sem Stormur sést í logni.

Frá fjarlægum hnöttum

Rétt fyrir utan borgina hefur tekist að ná sambandi við fjarlæga hnetti.

Það eru reyndar ekki alvöru hnettir sem sambandið náðist við.

Það voru meira svona gervihnettir.

Skíðafestingar

Ef það væri stutt fyrir mig að komast í fjall með snjó.

Væri góð hugmynd að hafa skíðafestingar á hjólinu.