Stöðumælirinn

Í fatahengi fann ég þennan stöðumæli.

Ég þorði ekki öðru en að borga í hann.

Ekki vildi ég fá sekt á jakkann.

45 dagar

Í dag eru bara 45 dagar til jóla.

Af því tilefni set ég inn mynd af einu af mínum uppáhalds jólatrjám.

Vetur

Í fjarlægum löndum kemur veturinn einu sinni á ári og er í nokkra mánuði.

Á Íslandi kemur veturinn nokkrum sinnum á ári.

Snjórinn kemur og bráðnar bara til að koma aftur nokkrum dögum síðar.

Rauða kúlan og súla Lennons

Í fjörunni við Viðey er rauður bolti á súlu.

Passar vel við Friðarsúluna á bakvið.

Bleikt grjót

Við höfnina er bleikt grjót.

Ég veit hvorki af hverju grjótið er þarna né af hverju það er bleikt.

Fyrsti snjórinn

Í gær kom fyrsti snjór vetrarins.

Ég vona að það komi meiri snjór. 

Svo mikill snjór að skíðasvæðin opni sem fyrst.

Símklefi?

Við fyrstu sýn mætti halda að það væri símklefi á litlu flotbryggjunni.

Við nánari athugun sá ég að þetta var að sjálfsögðu aðstaða fyrir Superman að skipta um föt.

Gangbrautin

Ég veit ekki af hverju gangbrautir þurfa alltaf að vera hvítar.

Ég fann eina græna gangbraut.

Það sem ég ekki skil er hvers vegna gangbrautin er við enda á fáfarinni götu.

Slippurinn

Slippurinn í Reykjavík hefur verið hluti af borginni svo lengi sem ég man eftir mér.

Fyrir einhverjum árum fékk einhver þá stórundarlegu hugmynd að senda Slippinn í burtu og byggja veg og blokk í staðin. 

Sem betur fer varð ekkert úr því.

Ég veit um margar borgir sem hafa vegi og blokkir í miðbænum.

En ég man ekki eftir neinum öðrum stað sem hefur slipp í miðbænum.

Laufblöð falla

Í tilefni haustsins hafa trén ákveðið að þekja göngustígana með laufblöðum.