Garn-graff

Merkilegt hvað þessir garngraffarar virðast hafa átt erfitt með að láta þennan vegg í friði.

Hani

Hænurnar sem búa með þessum hana eru væntanlega allar heyrnarlausar.

Ég væri það a.m.k. ef ég byggi með hana sem galar svona hátt.

Bílageymslur

í miðbænum eru tvær bílageymslur sitthvoru megin við sömu götu.

Önnur bílageymslan er undir seðlabanka hin undir tónlistahúsi.

Bílageymslan undir tónlistahúsinu er grá og líflaus en bílageymsla bankans er myndskreytt.

Spurning hvort þeir sem stjórna tónlistahúsinu ættu ekki að fara yfir í bankann til að kynna sér menningu.

Bílageymsla Hörpunnar

Bílageymsla Seðlabankans

Kyrr

Á hverjum degi eru milljónir manna og kvenna um allan heim föst í umferðarteppum á leið í ræktina til að geta hjólað á kyrrstæðu reiðhjóli.

Fjallabíll

Eftir fjölda ferða til fjalla endaði jeppinn undir vegg og bíður þess að hverfa í ryð.

Nema einhver reyni að bjarga honum.

Mastur

Allir sjá rafmagnsmöstrin um allt land.

Flestir hafa skoðanir á þeim.

Fæstir hafa séð þau frá þessu sjónarhorni.

Frost

Á veturna frystir.

Frostið sum grös stærri.

Góðir hlutir enda

Allir góðir hlutir virðast taka enda.

Sumt endar vel, annað illa. 

Svo er það sem bara endar. 

Eins og í bók sem höfundurinn virtist ekki geta fundið enda svo hann hætti að skrifa.

Í Laugardalnum er góður hjólreiðastígur.  Beinn og breiður vegur.

Svo endar hann.  Ekki vel, ekki illa.

Hann bara hættir.

Uppbygging og niðurrif

Hér stóð hús.

Það var rifið.

Svo var byggt annað hús.

Áður en það var klárað, var það rifið.