Á hesti

Í London sá ég að löggan er ekki bara á nútíma farskjótum.

Hestar eru líka í þeirra þjónustu.

Ég held að það væri ekki slæmt að sjá íslensku lögregluna á hestbaki.

Svo er næg beit fyrir þá á Austurvelli.

Ísnálar

Ísnálarnar hafa raðað sér upp á stráunum.

Vonandi að þær bráðni ekki alveg strax.

Allt fram rennur

Á þeirri stuttu leið sem Elliðaárnar renna frá vatni til sjávar eru óþrjótandi myndefni .

Það nýti ég mér reglulega.

Ístré

Frostið hefur sett svip á umhverfi Elliðavatnsins.

Það er ekki bara ís yfir vatninu.

Frostið faðmar að sér trén líka.

Breytingar

Þessa mynd tók ég árið 2006.

Sumt er óbreytt en annað ekki.

Höfnin er þarna ennþá.

Húsið sem ég stóð uppá og tók myndina er það ekki.

Jólaljós

Fyrir jólin keppast margir við að skreyta og lýsa meir en allir aðrir.

Fyrir mér er það ekki magnið, fjöldi ljósapera eða styrkur þeirra sem skiptir máli.

Oft er það einfaldleikinn sem er bestur.

Á seðlabankanum hefur svo lengi sem ég man eftir mér verið ein rauð sería utaná húsinu.

Ég veit alltaf að jólin nálgast þegar ég sé rauðu röndina.

Líf á öðrum hnöttum.

Nú ætla vísindamennirnir hjá NASA að halda fund þar sem þeir ætla að sýna okkur sönnun um líf á öðrum hnöttum.

Ég efast ekki um að þeir sýni eitthvað líf sem sést í öflugri smásjá.

Þessi mynd er af andliti sem ég sá uppi í geimnum.

Hugsanlega geimvera.