Er þetta hinn íslenski Þursaflokkur?

Á menningarnótt passaði ég mig á því að mæta á réttum tíma í Hljómskálagarðinn til að hlusta á hinn íslenska Þursaflokk leika alltof fá lög.

Ég kom mér fyrir á góðum stað rétt við sviðið tilbúin að hlusta á þá leika sitt þjóðlagaskotna progrokk og varð ekki fyrir vonbrigðum. 

Það eina sem skyggði á gleðina var að unga fólkið í kringum mig virtist ekki alveg vita hvaða hljómsveit væri þarna á sviðinu.

Einn unglingur við hliðina á mér leit á mig í miðjum Skriftargangi og spurði mig hvort þetta væri hinn íslenski Þursaflokkur.

Það eina sem ég gat huggað mig við, var að þrátt fyrir að vita vart hverjir spiluðu á sviðinu.  Þá líkaði honum það sem hann heyrði og ætlaði að hlusta á þá aftur.