Á floti

Í Reykjavíkurhöfn sá ég tunnu á floti.

Hvaðan hún kom veit ég ekki en það var nokkuð auljóst að hún var á leið í land.

Á línu

Til eru þeir sem geta gengið eftir línu strengda milli tveggja staura.

Ég get líka gengið á línu.

Ef hún er á jörðinni.

Staðið á stól

Sumir vita ekki hvað á að gera við einföldustu hluti.

Hér er maður sem veit ekki að það á að sitja á stól en ekki standa og hann veit ekki heldur hvernig stóllinn á að snúa.

Það virðist samt virka fyrir hann.

Á vegg

Sumir veggir eru faldir í portum þegar þeir eiga að vera fyrir alla að sjá.

Óteljandi

Á Íslandi er staður með óteljandi hóla, heiði með óteljandi vötn og fjörður með óteljandi eyjar.

Í Reykjavík eru til bílageymslur með óteljandi gráa liti.

Bros

Sumir segja að bros geti dimmu í dagsljós breitt og að bros sé smitandi.

Þegar ég sé þetta bros get ég ekki anað en brosað líka.

Best

Í Reykjavík er tvennt sem kennir sig við best.

Annað er flokkur sem segist vera bestur, en er það ekki.

Hitt er veitingastaður sem býður upp á bæjarins beztu pylsur og stendur við það.

Lending

Margir halda því fram að það sé ekkert mál að stökkva fram af hverju sem er.

Það sé lendingin sem sé vandamálið.

Hér var hvorki stökk né lending vandamál.

Þyngdarlögmálið er einfaldlega viðmið.  Ekki eitthvað til að fara eftir.

Vorboði

Með vorinu koma vorboðarnir.

Farfuglar, löggumótorhjól og skemmtiferðaskip.

Einn vorboðann sé ég alltaf þegar ég er á ferð um landið.

Vegavinnuflokka.

Hópar manna sem taka gamla slæma vegi og gera þá verri til að þeir verði betri á eftir.

Hestöfl

Ég hef aldrei skilið af hverju hestöfl eru nýtt sem mælieining á kraft.

Ég hef farið á bak hestum sem eru mun kraftmeiri en eitt hestafl.

Hestöflin á þessari mynd eru margfalt fleiri en hestarnir.